26 جنوری ، 2013 
جوڈیشل کمیشن کی سندھ ہائیکورٹ کے 3ایڈیشنل ججز کو مستقل کرنے کی منظوری
26 جنوری ، 2013
اسلام آباد…جوڈیشل کمیشن نے سندھ ہائی کورٹ کے تین ایڈیشنل ججز کو مستقل کرنے کی منظوری دے دی، اٹارنی جنرل عرفان قادر ، وزیر قانون فاروق ایچ نائیک اور وزیر قانون سندھ ایاز سومرو شریک نہیں ہوئے۔چیف جسٹس افتخار محمد چودھری کی سربراہی میں جوڈیشل کمیشن کا اجلاس ہوا، جس میں جسٹس تصدق حسین جیلانی،جسٹس ناصر الملک ،جسٹس جواد ایس خواجہ اور جسٹس ریٹائرڈ رحمت حسین جعفری ، سندھ ہوئی کور ٹ کے چیف جسٹس اور سند ھ بار کونسل کے نمائندے ابرار الحسن شریک ہوئے۔ذرائع کے مطابق مستقل کیے جانے والوں میں جسٹس نثار شیخ،جسٹس ندیم اختر اور جسٹس محمد شفیع صدیقی شامل ہیں ،جسٹس نثار شیخ کی مدت ملازمت 17 فروری 2013 جب کہ جسٹس ندیم اختر اور جسٹس محمد شفیع صدیقی کی مدت ملازمت 19 مارچ کو ختم ہو رہی تھی ، جوڈیشل کمیشن کی طرف سے دی گئی منظوری پارلیمانی کمیٹی کو بجھوائی جائے گی۔
