03 مارچ ، 2024 
پاکستان
دھاناسر کے مختلف پہاڑی مقامات پر پھنسی دو سو سے زائد مسافر گاڑیوں کو نکالنے کی کوششیں جاری ہیں__فوٹو: فائل
گوادر میں طوفانی بارشوں کے اثرات تاحال موجود، لوگ پہاڑوں پر پناہ لیے امداد کے منتظر
03 مارچ ، 2024
گوادر میں طوفانی بارشوں کے بعد گلی محلوں اور اسکولوں میں اب تک پانی موجود ہے اور معمولاتِ زندگی تاحال بحال نہیں ہو سکے ہیں۔
نواحی قصبوں میں لوگ پہاڑوں پر پناہ لیے امداد کے منتظر ہیں، اس کے علاوہ دیہی علاقوں میں ریسکیو اور امدادی ٹیمیں نہیں پہنچ سکی ہیں۔
گوادر کی بین الصوبائی شاہراہیں اور رابطہ سڑکیں بند ہیں، دھاناسر کے مختلف پہاڑی مقامات پر پھنسی 200 سے زائد مسافر گاڑیوں کو نکالنے کی کوششیں جاری ہیں۔
اس کے علاوہ چمن، قلعہ عبداللہ اور پشین کے شہری علاقوں میں وقفے وقفے سے برفباری کا سلسلہ جاری ہے۔
