05 مارچ ، 2024 
کراچی میں ڈی سی سینٹرل آفس کے سامنے شہری لٹ گیا
05 مارچ ، 2024
کراچی کے علاقے بفرزون میں ڈپٹی کمشنر آفس کے سامنے گاڑی سے نقدی اور لائسنس یافتہ اسلحہ چوری کرلیا گیا۔
بفرزون میں ڈی سی سینٹرل آفس کی سکیورٹی کے ناقص انتظامات کی قلعی کھل گئی، دفتر میں کام سے آنے والے شہری کی گاڑی سے نقدی اور اسلحہ چوری کرلیا گیا۔
شہری کی مدعیت میں واقعہ کا مقدمہ درج کرلیا گیا ہے۔ متاثرہ شہری خرم کا کہنا ہے کہ ڈی سی آفس کے باہر گاڑی کھڑی کرکے اندر کام سے گیا، واپس آیا تو گاڑی کا شیشہ ٹوٹا ہوا تھا، چار لاکھ روپے اور لائسنس یافتہ پستول بھی غائب تھا۔
ڈی سی سینٹرل آفس عملے کا کہنا ہے کہ کیمرے خراب ہیں۔ اس حوالے ےس ڈی سی سینٹرل کا کہنا ہے کہ واقعے سے متعلق علم نہیں، آفس میں لگے کیمرے صرف آفس کے اندرونی حصے کو کور کرتے ہیں۔
ایس ایس پی سینٹرل ذیشان شفیق نے تیموریہ پولیس سے رپورٹ طلب کرلی۔ انہوں نے کہاکہ اطراف میں لگے کیمروں کی مدد سے ملزمان تک پہنچ جائیں گے۔
مزید خبریں :
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
