صدر کی حیثیت سے عارف علوی کا آخری بیان جاری

اسلام آباد: صدر مملکت ڈاکٹر عارف علوی نے الوداعی بیان جاری کیا ہے۔

صدر پاکستان کے آفیشل ایکس اکاؤنٹ پر جاری بیان میں صدر عارف علوی کا کہنا تھا کہ  بطور صدر ملک کے عوام کی خدمت  میرے لیے باعث فخر رہی، اللہ میری کوتاہیوں  پر مجھے معاف کرے، اچھے اعمال کا اجر دے، میری اہلیہ ثمینہ علوی بھی اس دعا میں مرے ساتھ شریک ہیں۔

عارف علوی کا کہنا تھا کہ  مجھے کوئی شک نہیں کہ پاکستان کا مستقبل تابناک ہے۔

ان کا مزید کہنا تھا کہ بطور  پاکستان کے 13 ویں صدر کے ایکس ہینڈل پر میرا یہ آخری پیغام ہے، یہ اکاؤنٹ اگست 2018 میں میں نے بنایا  تھا، میں صدر  پاکستان کا ایکس ہینڈل ملک کے 14 ویں صدر کو  منتقل کر رہا ہوں۔

آصف زرداری بھاری اکثریت سے صدر منتخب، دوسری بار صدر بننے والی پہلی سول شخصیت بن گئے

قومی اسمبلی، سینیٹ اور چاروں صوبائی اسمبلیوں سے آصف زرداری 410.777 الیکٹورل ووٹ لیے، مدمقابل محمود خان اچکزئی 180.34 الیکٹورل ووٹ حاصل کرسکے

صدارتی الیکشن میں پہلی بار نہ کوئی ووٹ بیچا گیا نہ خریدا گیا: محمود اچکزئی

صدارتی الیکشن بڑے اچھے ماحول میں ہوئے، ملک میں نئے دور کا آغاز ہےکہ خرید وفروخت نہیں ہوئی، سربراہ پشتونخوا ملی عوامی پارٹی