اسرائیلی فورسز کا الشفا اسپتال پر چھاپہ اور بمباری

اسرائیلی فورسز نے غزہ کے الشفا اسپتال پر رات گئے چھاپہ مارا اور اسپتال کو گھیرے میں لے لیا۔

فلسطینی میڈیا کے مطابق اسرائیلی فوج  نے الشفا اسپتال پرگولہ باری کی ہے، شدید فائرنگ کے نتیجے میں اسپتال کا عملہ شدید خوف وہراس میں مبتلا ہوگیا جبکہ بمباری سے متعدد افراد کے شہید اور زخمی ہونے کی اطلاعات ہیں۔

میڈیا رپورٹس کے مطابق اسرائیلی گولہ باری سے الشفا اسپتال کےسرجیکل کمپلیکس میں آگ بھڑک اٹھی جب کہ  اسرائیلی فوج نے اسپتال میں پناہ لیے سیکڑوں افراد کو اسپتال خالی کرنے کا حکم دے دیا۔

 عرب میڈیا کے مطابق اسرائیلی فوج کے ترجمان نے دعویٰ کیا ہے کہ  حماس کے جنگجو اسپتال کے اندر ایک بار پھر  منظم ہو گئے ہیں، یہ جنگجو اسپتال کو  اسرائیل پر حملے کرنے کے لیے استعمال کر رہے ہیں جن کے خلاف  اسرائیلی فورسز اسپتال میں آپریشن کررہی ہے۔

امریکا اسرائیل میں قیادت کی تبدیلی کیلئے انتخابات کا دباؤ بڑھا رہا ہے: نیتن یاہو

اسرائیلی جنگی کابینہ نے غزہ میں رفح آپریشن کی منظوری دے دی

اسرائیلی فوج کی غزہ کے رہائشی علاقوں پر بمباری، مزید 90 سے زائد فلسطینی شہید

7 اکتوبر سے غزہ پر اسرائیلی حملوں میں کم از کم 31 ہزار 490 فلسطینی شہید اور 73 ہزار 439 زخمی ہو چکے ہیں۔