19 مارچ ، 2024 
پاکستان
وزیر خزانہ نےامریکی سفیر کو آئی ایم ایف کے ساتھ بات چیت پر پیشرفت سے آگاہ کیا— فوٹو: فائل
وزیر خزانہ سے امریکی سفیرکی ملاقات، آئی ایم ایف پروگرام پر تبادلہ خیال
19 مارچ ، 2024
وفاقی وزیر خزانہ محمد اورنگزیب سے پاکستان میں تعینات امریکی سفیر ڈونلڈ بلوم کی ملاقات ہوئی۔
ذرائع کے مطابق ملاقات میں پاکستان اور آئی ایم ایف کے درمیان قرض پروگرام پر تبادلہ خیال کیا گیا۔
ملاقات میں آئی ایم ایف کے ساتھ موجودہ اسٹینڈ بائی ارینجمنٹ کی تکمیل پر امریکی حمایت کا بھی تذکرہ ہوا۔
ملاقات کے دوران پاکستان میں معاشی اصلاحات سے متعلق اہداف کے لیے امریکی تعاون کا بھی جائزہ لیا گیا جب کہ پاکستان میں ٹیکسوں کے انتظام اور سرمایہ کاری کے ماحول پر بھی بات چیت ہوئی۔
ذرائع کے مطابق پاکستان اور امریکاکے درمیان باہمی دلچسپی کے شعبوں میں تعاون بڑھانےکا عزم بھی ظاہر کیا گیا۔
وزیر خزانہ نےامریکی سفیر کو آئی ایم ایف کے ساتھ بات چیت میں پیشرفت سے آگاہ کیا۔
