کراچی میں آج سے گرمی کی شدت میں کمی کا امکان

 محکمہ  موسمیات  نے کراچی میں آج سے گرمی کی شدت میں کمی کا امکان  ظاہر  کردیا  ہے۔

موسمیاتی تجزیہ کاروں کے مطابق شہر قائد میں  دن میں گرم اور خشک ہوائیں چل سکتی ہیں جبکہ شام میں سمندری ہوائیں بحال ہوسکتی ہیں۔

 محکمہ موسمیات نے شہر میں کم سے کم درجہ حرارت 20 ڈگری سینٹی گریڈ اور زیادہ سے زیادہ درجہ حرارت 34 سے 36 ڈگری سینٹی گریڈ تک جانے کا امکان ظاہر کیا ہے۔

ملک میں آئندہ 2 روز کے دوران بارش کا نیا اسپیل داخل ہونے کی پیشگوئی

مارچ کے آخر تک وقفے وقفے سے بارش کے چھوٹے چھوٹے اسپیل آنے کا امکان ہے: چیف میٹرولوجسٹ لاہور اکرم الدین

دوسری جانب  محکمہ موسمیات  کا بتانا ہے کہ  ملک کے بیشتر علاقوں میں آج موسم خشک تاہم شام اور رات میں مطلع جزوی ابر آلود رہے گا جبکہ گلگت بلتستان اور بالائی خیبر پختونخوا میں کہیں کہیں ہلکی بارش کا امکان ہے۔