اسپیکر اورگورنر خیبر پختونخوا اسمبلی اجلاس کی طلبی پر آمنے سامنے آگئے

گورنر خیبر پختونخوا غلام علی اور  اسپیکر  اسمبلی بابر سلیم سواتی اسمبلی اجلاس  کی طلبی  پر  آمنےسامنے آگئے۔

گورنر  نے آئین کے آرٹیکل 109 کے تحت محصوص نشستوں پر کامیاب اراکین کی حلف برداری کے لیے جمعے کو اجلاس طلب کیا ہے۔

ادھر اسمبلی سیکرٹریٹ نے اسمبلی اجلاس طلب نہ کرنےکا اعلان کیا ہے۔ سیکرٹری اسمبلی کفایت اللہ خان آفریدی نےگورنر کی جانب سے اجلاس طلب کرنےکے معاملے پر محکمہ قانون کو خط لکھ کر جواب طلب کیا ہے۔

کے پی اسمبلی: سنی اتحاد کونسل نے سینیٹ الیکشن کیلئے حکمت عملی بنالی

حکومتی اراکین کورم کی نشاندہی کرکےاسمبلی کا اجلاس ملتوی کرسکتے ہیں، اجلاس نہ ہونے پر مخصوص نشستوں کے 24 اراکین حلف نہیں اٹھا سکیں گے، ذرائع

اسمبلی سیکرٹریٹ کے مطابق محکمہ قانون کے جواب آنے پر اجلاس طلب کرنے یا نہ کرنے کا اعلان کیا جائےگا۔ 

دوسری جانب وزیر قانون خیبر پختونخوا  آفتاب عالم نےگورنر کی جانب سے صوبائی اسمبلی کا اجلاس بلانےکو غیر آئینی قرار دیا ہے۔

وزیر قانون خیبر پختونخوا آفتاب عالم کا کہنا ہےکہ گورنر کا صوبائی اسمبلی کا اجلاس بلانا غیر آئینی اور شرمناک ہے، آئین واضح طور  پر صدر  اورگورنرز کے اختیار کا تعین کرتا ہے۔

آفتاب عالم کا کہنا ہےکہ آئین میں واضح ہےکہ گورنر صوبے کے وزیراعلیٰ اور کابینہ کی ایڈوائس پر عمل کرنےکا پابند ہوگا، 16 اپوزیشن ارکان کےکہنے پر اجلاس طلب نہیں کیا جاسکتا، ایسے اقدامات جمہوری اصولوں کو نقصان پہنچاتے ہیں۔