وزیر خزانہ کا بھارت سے تجارت کی بات پر تبصرے سے گریز

کراچی: وفاقی وزیر خزانہ محمد اورنگزیب نے بھارت سے تجارت کی بات پر تبصرے سے گریز کیا ہے۔

کراچی میں یوٹیلیٹی اسٹورز کے دورے پر گفتگو کرتے ہوئے وزیر خزانہ نے کہا کہ معیشت کی بہتری کے لیے مزید اقدامات کرناہوں گے تاہم بھارت سے تجارت کی بات پر کوئی تبصرہ نہیں کروں گا۔

پاکستان کے کاروباری افراد چاہتے ہیں بھارت کیساتھ تجارت بحال ہو: اسحاق ڈار

بھارت کے ساتھ تجارت کھولنے سے متعلق جائزہ لیں گے، ہمسائے تبدیل نہیں کیے جاسکتے، ہمیں پڑوسیوں کے ساتھ ہی رہنا ہے: وزیر خارجہ

انہوں نے کہا کہ اشیاء کے معیار پر کوئی سمجھوتا نہیں ہوگا، رمضان پیکج 7 ارب سے بڑھا کر 12 ارب روپے کردیاگیا ہے، 1200 موبائل یونٹس کے ذریعے عوام کو سستی اشیاء فراہم کررہے ہیں، کراچی کے بڑے مخیر حضرات کو یوٹیلیٹی اسٹورز کے لیے رقم دینے پر بات ہوسکتی ہے۔