15 اپریل ، 2024 
ایف بی آر نے کسٹمز رولز میں مزید ترامیم کا نوٹیفکیشن جاری کردیا
15 اپریل ، 2024
اسلام آباد: فیڈرل بیورو آف ریونیو (ایف بی آر) نے کسٹمز رولز 2001 میں مزید ترامیم کے لیے نوٹیفکیشن جاری کردیا۔
ایف بی آر کے مطابق پاکستان میں فارن سپلائرز کو کاروبار کرنے کی اجازت دینےکا فیصلہ کیا گیا ہے، غیرملکی سپلائرز یہاں اپنا رجسٹرڈکاروبار قائم کرسکیں گے۔
ایف بی آر کے مطابق فارن سپلائرز کو ذیلی کمپنی قائم کرنے کابھی اختیار حاصل ہوگا، خام تیل اور دیگر پیٹرولیم مصنوعات درآمد کرنے کی اجازت ہوگی جب کہ پیٹرولیم مصنوعات مقامی مارکیٹ میں فروخت یا برآمدکرنےکی اجازت بھی ہوگی، پیٹرولیم مصنوعات درآمد کرکے بیرون ملک برآمد کرنے کی بھی اجازت ہوگی۔
ایف بی آر کا کہنا ہے کہ درآمد کردہ مال کسٹمز اسٹوریج فیسلیٹی میں رکھنے کی سہولت ملےگی، فارن سپلائرز پاکستان میں کسی بھی جگہ ویئر ہاؤس استعمال کرسکیں گے، انہیں ویئر ہاؤس رینٹ، پورٹ اور دیگر سروس چارجز ادا کرنے ہوں گے۔
نوٹیفکیشن کے مطابق واجبات فارن کرنسی یعنی ڈالرز میں بینکنگ چینلز کے ذریعے ادا کرنا ہوں گے، فارن سپلائز یا ان کے سبسڈری کو اسٹیٹ بینک اور کسٹمز کی ہدایات پر عمل کرنا ہوگا۔
مزید خبریں :
روپے کے مقابلے ڈالر کی قدر میں معمولی اضافہ
4 گھنٹے پہلے
یکم دسمبر سے پیٹرول اور ڈیزل کی قیمت میں اضافے کا امکان
29 نومبر ، 2024
ملکی زرمبادلہ کے ذخائر میں اضافہ ہوگیا
28 نومبر ، 2024
سونے کی قیمت میں کمی، فی تولہ کتنے کا ہوگیا؟
28 نومبر ، 2024
اقتصادی رابطہ کمیٹی کے اہم فیصلوں پر عملدرآمد نہ ہونے کا انکشاف
28 نومبر ، 2024
