بھارتی الیکشن کمیشن کا مودی کی نفرت انگیز تقریر کیخلاف درخواستوں کا جائزہ لینےکا اعلان

بھارتی وزیراعظم مودی کی جانب سے راجستھان میں انتخابی مہم کی آڑ میں مسلمانوں کے خلاف نفرت انگیز تقریر کے معاملے پر  بھارتی الیکشن کمیشن نے  مودی کی نفرت انگیز تقریر کے خلاف درخواستوں کا جائزہ لینے کا اعلان کیا ہے۔

الیکشن کمیشن کا کہنا ہے مود ی کی راجستھان میں کی گئی تقریر کے خلاف شکایات کا جائزہ لے رہےہیں۔

مودی نے راجستھان میں انتخابی مہم کے دوران کہا تھا کہ کانگریس اقتدار میں آتی ہے تو وہ لوگوں کی جائیداد، زمین اور سونا مسلمانوں میں بانٹ دے گی۔

ویڈیو: مودی نے مسلم دشمنی کی حد پار کردی، بھارتی مسلمانوں کو ’گُھس بیٹھیے‘ قرار دیدیا

کانگریس اقتدار میں آئی تو ملک کی دولت انہیں بانٹیں گے جن کے زیادہ بچے ہیں، انتخابی مہم کے دوران مودی کی تقریر

اپوزیشن جماعت کا نگریس اور دیگر اپوزیشن جماعتوں نے مودی کے بیان کے خلاف الیکشن کمیشن میں شکایت درج کرائی تھی۔

کانگریس کا کہنا ہے کہ امیدوار کی حیثیت سے قطع نظر، شہریوں کے مختلف طبقوں کے درمیان تفریق پیدا کرنے کی کوشش کرنے والوں کو نااہل قرار دینا ہی واحد حل ہے۔