11 مئی ، 2024 
زرتاج گل پر سفری پابندیوں کے اطلاق کی کوئی قانونی وجہ نہیں: اسلام آباد ہائیکورٹ کا حکم نامہ جاری
11 مئی ، 2024
اسلام آباد ہائیکورٹ نے سابق وفاقی وزیر زرتاج گل کا حج ادائیگی کے لیے نام ای سی ایل سے نکالنے کی درخواست پر سماعت کا حکم نامہ جاری کردیا۔
اسلام آبادہائیکورٹ کے جسٹس طارق محمودجہانگیری نے زرتاج گل کی درخواست پر سماعت کا تحریری حکم جاری کیا جس میں کہا گیا ہےکہ زرتاج گل پر سفری پابندیوں کے اطلاق کی کوئی قانونی وجہ یا اخلاقی جواز موجود نہیں۔
عدالت نے اپنے حکم میں کہا کہ سیکرٹری داخلہ قانون جاننے والےسینئر افسر کو عدالت کی معاونت کے لیے مقررکریں اور مجاز افسر متعلقہ ریکارڈ کے ساتھ آئندہ سماعت پر عدالت میں پیش ہواورکیس کےحقائق سے واقف ہو۔
عدالتی حکم نامے میں مزید کہا گیا ہےکہ وکیل کے مطابق پٹیشنرکے خلاف احتجاج پر متعدد مقدمات درج ہیں اور وہ قانون کا سامنا کررہی ہیں، زرتاج گل کسی بھی کیس میں مفرور یا اشتہاری نہیں اور ضمانت حاصل کر رکھی ہے۔
حکم نامے میں کہا گیا ہےکہ زرتاج گل پر سفری پابندیوں کے اطلاق کی کوئی قانونی وجہ یا اخلاقی جوازموجودنہیں۔
اسلام آباد ہائیکورٹ نے سیکرٹری داخلہ کو نوٹس جاری کرتے ہوئے معاملے پر جواب طلب کرلیا۔
مزید خبریں :
خیبر پختونخوا حکومت کا صوبے میں 3 روز ہ سوگ کا اعلان
2 گھنٹے پہلے
ایمنڈ کی صحافی مطیع اللہ جان کی گرفتاری کی مذمت
8 گھنٹے پہلے
