23 مئی ، 2024 
نیپالی کرکٹر سندیپ لمیچانے کو ورلڈکپ میں شرکت کیلئے اب تک امریکی ویزہ نا مل سکا
23 مئی ، 2024
جنسی زیادتی کیس میں بری ہونے والے نیپالی کرکٹر سندیپ لمیچانے کو ٹی ٹوئنٹی ورلڈکپ میں شرکت کے لیے امریکی ویزہ اب تک نا مل سکا۔
نیپال کرکٹ ایسوسی ایشن نے کرکٹ ورلڈکپ اسکواڈ کا حصہ بننے والے کھلاڑی سندیپ لمیچانے کے امریکی ویزے کے لیے حکومت سے مدد مانگ لی ہے۔
میڈیا رپورٹس کے مطابق زیادتی کیس میں بری نیپالی کرکٹر سندیپ لمیچانے کو ورلڈکپ میں شرکت کے لیے امریکی ویزہ اب تک نہیں مل سکا ہے جس کے بعد حکام نے وزیراعظم اور وزارت خارجہ سے ویزے کے لیے درخواست کی ہے۔
نیپال کرکٹ ایسوسی ایشن کے حکام نے درخواست کی ہے کہ سندیپ لمیچانے کے امریکی ویزہ کے اجرا کے لیے کوشش کی جائے، ویزہ درخواست کے ساتھ ہائیکورٹ کے فیصلے کی کاپی بھی لگائی گئی تھی۔
نیپال کرکٹ حکام کے مطابق ویزہ جاری نہ ہونا پریشان کن ہے مگر ویزے کے اجرا کے لیے پر امید ہیں۔
یاد رہے کہ امریکا نے سندیپ لمیچانے کو ویزہ دینے سے انکار کردیا تھا مگر کرکٹر کو زیادتی کے کیس میں ہائی کورٹ سے بری ہونے پر ٹی ٹونٹی ورلڈ کپ اسکواڈ میں شامل کیا گیا، سندیپ لمیچانے کو گزشتہ برس جنسی زیادتی کے کیس میں سزا ہوئی تھی۔
مزید خبریں :
پاکستان کو بڑا دھچکا، صائم ایوب کئی ہفتوں کیلئے کرکٹ سے باہر
04 جنوری ، 2025
سابق بھارتی کپتان سارو گنگولی کی بیٹی کی گاڑی کو حادثہ
04 جنوری ، 2025
صائم ایوب بیساکھیوں پر چل کر اسٹیڈیم واپس آئے، تصویر وائرل
03 جنوری ، 2025
