جوہانسبرگ…جنوبی افریقا نے پہلے ٹیسٹ میں پاکستان کو211رنز سے شکست دے دی ہے۔پاکستان کی ٹیم 280رنز کے تعاقب میں253رنز پرآوٴٹ ہوگئی۔پاکستان نے آج اپنی دوسر ی اننگ کا آغاز 183رنز چار کھلاڑی آوٴٹ سے شروع کیا تو کچھ دیر تو کپتان مصباح الحق اور اسد شفیق نے کچھ دیر جنوبی افریقا کے بالر ز کے سامنے مزاحمت کی تاہم نئی گیند ملنے کے بعد جنوبی افریقا کے بالرز نے تباہی مچانی شروع کردی اورکھانے کے وقفے سے پہلے ہی پوری ٹیم کوپویلین واپس بھیج دیا۔ڈیل اسٹین نے کپتان مصباح الحق اور اسد شفیق کو 64اور56رنز پر آوٴٹ کردیا۔اِس کے بعد وکٹ کیپرسرفراز بھی صرف چھ رنز بنا کرفلینڈر کی گیند پر بولڈ ہوگئے۔تاہم اُن کے بعد آنے والے عمر گل نے کچھ دیر مزاحمت کی اور71منٹ تک وکٹ پرٹھہرے،انہوں43گیندوں پر23رنز بنائے اورڈیل اسٹین کا ہی شکار بنے،اُن کے بعد آنے والے سعید اجمل اور جنیدخان بھی بالترتیب11اور 9رنز بنا کرآوٴٹ ہوگئے۔جنوبی افریقا کی جانب سے ڈیل اسٹین نے52رنز دے کر5جبکہ فلینڈر اور مورکل نے دو،دو اورجیک کیلس نے ایک وکٹ حاصل کی۔