26 مارچ ، 2025 
پی ایس ایل 10 کے ترانے میں کون آواز کا جادو جگائے گا؟ پی سی بی نے گلوکار کا اعلان کر دیا
26 مارچ ، 2025
ہر سال جہاں شائقین کرکٹ کو پاکستان سپر لیگ کے نئے سیزن کے آغاز کا انتظار ہوتا ہے وہیں مداح پی ایس ایل کے ترانے کا بھی بے صبری سے انتظار کررہے ہوتے ہیں۔
اس سال پاکستان سپر لیگ سیزن 10 کا آغاز 11 اپریل سے ہوگا، یہ ایونٹ 18 مئی تک کراچی، لاہور، ملتان اور راولپنڈی میں منعقد ہوگا۔
جہاں شائقین کرکٹ کو میچز کا انتظار ہیں وہیں اس بار بھی پی ایس ایل کے ترانے کے حوالے سے تجسس برقرار تھا کہ اس بار اینتھم میں کون آواز کا جادو جگائے گا۔
تاہم پی ایس ایل 10 کے آفیشل ترانے کے گلوکار کا اعلان کر دیا گیا ہے۔
اس سال بھی علی ظفر پی ایس ایل کے گانے میں آواز کا جادو جگائیں گے۔
پی ایس ایل کے آفیشل انسٹاگرام اکاؤنٹ پر سیزن 10 کے ترانے کا ایک پوسٹر جاری کیا گیا جس میں علی ظفر کو نقاب میں دیکھا گیا۔
البتہ ترانے کے نام کے حوالے سےکوئی معلومات فراہم نہیں کی گئیں بس یہی بتایا کہ جلد پی ایس ایل کا ترانہ علی ظفر کی آواز میں ریلیز کیا جائے گا۔
یاد رہے کہ علی ظفر متعدد بار پی ایس ایل کا ترانا گا چکے ہیں۔ گزشتہ سیزن میں بھی پی ایس ایل اینتھم 'کُھل کے کھیل' میں انہوں نے ہی آواز کا جادو جگایا تھا۔
مزید خبریں :
ایران نے فیفا ورلڈکپ 2026 کیلئے کوالیفائی کرلیا
26 مارچ ، 2025
