05 فروری ، 2013 
وومنز ورلڈ کپ:جنوبی افریقا سے شکست، پاکستان سپرسکس مرحلے سے باہر
05 فروری ، 2013
کٹک …آئی سی سی وو منزورلڈ کپ میں جنوبی افریقا نے پاکستان کو 126 رنزسے ہرادیا، ایونٹ میں پاکستان کی مسلسل تیسری شکست ہے، اس شکست کے بعد گرین شرٹس سپرسکس مرحلے سے باہر ہوگئی ہیں۔ کٹک میں جاری میچ میں جنوبی افریقا نے ٹاس جیت کر پہلے بیٹنگ کرتے ہوئے مقررہ 50 اوورز میں 5 وکٹوں کے نقصان پر 207 رنز بنائے، ایک موقع پر جنوبی افریقا کی 79 رنز پر پانچ وکٹ گرچکی تھیں لیکن ساتویں وکٹ پر مریزین کیپ اور وین نیکرک نے ناقابل شکست 128،رنز بناکر اپنی ٹیم کی پوزیشن مستحکم بنادی ، کیپ نے ناقابل شکست 102 جبکہ وین نیکرک 55 رنز کے ساتھ ناٹ آؤٹ رہیں۔قنیطہ جلیل اور اسماویہ اقبال نے دو، دو وکٹیں حاصل کیں۔ 208 رنز کے ہدف کے تعاقب میں پاکستان کی پوری ٹیم 29.4 اوورز میں 81 رنز پر ڈھیر ہوگئی۔اس شکست کے ساتھ ہی پاکستان ٹیم سپرسکس مرحلے سے باہر ہوگئی، گرین شرٹس اب ساتویں پوزیشن کیلئے میچ کھلیں گی۔
