04 جون ، 2024 
مردہ قرار دی گئی خاتون 2 گھنٹے بعد زندہ دریافت
04 جون ، 2024
امریکا میں مردہ قرار دی گئی ایک عورت 2 گھنٹے بعد زندہ ہو گئی۔
نیبراسکا کی لنکاشائر کاؤنٹی میں یہ واقعہ پیش آیا جہاں ایک نرسنگ ہوم میں رہائش پذیر خاتون کو عملے نے مردہ قرار دیا اور ڈاکٹروں کو طلب نہیں کیا گیا۔
مگر ایک مردہ گھر کے عملے نے 74 سالہ Constance Glantz کو 2 گھنٹے بعد زندہ دریافت کیا۔
مقامی پولیس کے مطابق یہ بہت غیرمعمولی کیس ہے۔
لنکا شائر کاؤنٹی کے ڈپٹی چیف شیرف بین ہوسکین کے مطابق 'میں 31 سال سے کام کر رہا ہوں مگر اس طرح کا واقعہ کبھی دیکھنے میں نہیں آیا'۔
نرسنگ ہوم نے 3 جون کی صبح 9:44 پر خاتون کو مردہ قرار دیا تھا، جس کے بعد لاش کو مردہ گھر منتقل کیا گیا۔
وہاں جب خاتون کے بے جان جسم کو میز پر رکھا گیا تو عملے کے ایک فرد کو محسوس ہوا کہ وہ سانس لے رہی ہیں۔
جس کے فوری بعد طبی امداد کے لیے رجوع کیا گیا اور انہیں ایک اسپتال میں منتقل کیا گیا، جہاں وہ ابھی بھی زندہ ہیں۔
مردہ گھر کے عملے نے صبح 11:45 پر طبی عملے سے رابطہ کیا تھا یعنی خاتون کو مردہ قرار دینے کے 2 گھنٹے بعد۔
نرسنگ ہوم کی انتظامیہ نے اس واقعے پر اب تک کوئی بیان جاری نہیں کیا جبکہ مقامی پولیس کے مطابق خاتون کے خاندان کو صورتحال سے آگاہ کیا گیا ہے۔
پولیس کی جانب سے معاملے کی تفتیش بھی شروع کر دی گئی ہے۔
مزید خبریں :
گھر کے منجھلے بچوں کی ایک بڑی خوبی سامنے آگئی
24 دسمبر ، 2024
وہ اے آئی آرٹسٹ جو اپنی تصاویر سے لاکھوں ڈالرز کما رہا ہے
23 دسمبر ، 2024
ہر گاڑی میں چھپے ایسے راز جن کا علم بہت کم افراد کو ہوتا ہے
22 دسمبر ، 2024
