22 دسمبر ، 2024 
'نوچنے پر بھی بلی کو کچھ نہیں کہتا'، خاتون کا شوہر کیخلاف انوکھا مقدمہ، جج برہم
22 دسمبر ، 2024
بھارتی ریاست کرناٹکا میں ایک خاتون کی جانب سے دلچسپ مقدمہ دائر کیا گیا جس نے جج کو بھی غصہ دلا دیا۔
غیر ملکی میڈیا رپورٹس کے مطابق بیوی نے اپنے شوہر کے خلاف ظلم کا مقدمہ دائر کیا، اور یہ دعویٰ کیا کہ وہ ان سے زیادہ پالتو بلی کی پرواہ کرتا ہے اور بلی کا خیال زیادہ رکھتا ہے۔
یہ واقعہ بنگلورو میں پیش آیا جہاں مدعی کی درخواست دیکھ کر جج کو غصہ آگیا اور انہوں نے خاتون کو غیر سنجیدہ معاملہ عدالت میں لانے پر ڈانٹ پلادی۔
جسٹس ایم ناگاپراسنا نے مشاہدہ کیا کہ شکایت میں ظلم یا ہراساں کرنے کا کوئی خاص الزام نہیں لگایا گیا، اور درخواست میں کہا گیا کہ شوہر مجھ سے زیادہ پالتو بلی کا خیال رکھتا ہے اور اس کی دیکھ بھال زیادہ کرتا ہے۔
خاتون نے درخواست میں کہا کہ جب وہ شوہر کو اس بات کا احساس دلاتی ہے تو ان دونوں میں جھگڑا ہو جاتا ہے اور پھر شوہر ان سے بات نہیں کرتا۔
بیوی نے یہ شکایت بھی کی کہ بلی اس پر کئی بار حملہ کر چکی ہے اور اسے نوچ بھی چکی ہے جبکہ شوہر کو اس بات سے کوئی فرق نہیں پڑتا اور وہ بلی کو کچھ نہیں کہتا۔
مزید خبریں :
ایشیا اور یورپ کو آپس میں جوڑنے والا منفرد جزیرہ
20 دسمبر ، 2024
وہ خاندان جس کے ہاں 65 سال بعد پہلے لڑکے کی پیدائش
18 دسمبر ، 2024
آخر اس ٹیپ میں یہ دھاتی ٹکڑا کیوں ہوتا ہے؟
18 دسمبر ، 2024
