05 جون ، 2024 
عالمی یوم ماحولیات: کراچی کا واحد سرسبز علاقہ ملیر بھی انسانی سرگرمیوں سے متاثر
05 جون ، 2024
دنیا آج ماحول میں بہتری ، خستہ حال زمینوں کی بحالی اور خشک سالی کے خلاف اقدامات اٹھانے کی ضرورت اجاگر کرنے کیلئے ماحول کا دن منارہی ہے۔
دوسری جانب کراچی کا علاقہ ملیر شہر کا واحد سرسبز علاقہ ہے مگر یہ بھی موسمیاتی تبدیلی سمیت ارگرد بڑھتی انسانی سرگرمیوں سے متاثر ہورہا ہے، ملیر کے کئی باغات اجڑ چکے ہیں اور جو باقی ہیں وہ بقا کی جنگ لڑرہے ہیں۔
ادھر پچھلے 20سال میں ملتان کے درجہ حرارت میں 4 ڈگری سینٹی گریڈ اضا فہ دیکھا گیا، باغات کی کٹائی اور زرعی زمین کا کمرشل اس کی استعمال کی بڑی وجوہات ہیں، ماحولیاتی تبدیلیوں سے بلوچستان بھی متاثر ہوا ہے،کوئٹہ میں پچھلے 2 برسوں کے دوران بارشوں کے باوجود پانی کی کمی کے خطرات پائے گئے۔
مزید برآں خیبرپختونخوا حکومت نے بلین ٹری سونامی منصوبے کے بعد بلین ٹری پلس منصوبہ شروع کرنے کا اعلان کیا ہے۔
