06 جون ، 2024 
پشاور میں دن دہاڑے اسٹریٹ کرائم کی وارداتوں میں اضافہ، پولیس جرائم روکنے میں ناکام
06 جون ، 2024
پشاور میں دن دہاڑے شہریوں سے موبائل فون چھیننے کی وارداتوں اور دیگر اسٹریٹ کرائم میں اضافہ ہوگیا ہے، جرائم روکنے میں پولیس ناکام ہوگئی ہے۔
پشاور میں بیروزگاری اور اسلحے تک آسان رسائی جیسی وجوہات کی وجہ سے اسٹریٹ کرائمز میں روز بروز اضافہ ہوتا جا رہا ہے، شہریوں سے گھروں کے باہر، چوراہوں اور گلی کوچوں میں موبائل فون، موٹرسائیکلوں کے چھینے جانے کی وارداتوں میں اضافہ ہو گیا ہے جبکہ مزاحمت کرنے پر شہریوں کو جان سے بھی ہاتھ دھونا پڑ جاتا ہے۔
رواں سال کے اسٹریٹ کرائمز کیسز پر نظر ڈالی جائے تو 94 گینگز بے نقاب ہونے کے ساتھ 250 ملزمان کو بھی گرفتار کیا گیا ہے جبکہ گزشتہ 9 ماہ میں 6 راہزن پولیس مقابلے میں ہلاک جبکہ 117 زخمی ہوئے۔
ایس ایس پی آپریشن پشاور کا کہنا ہے کہ اسٹریٹ کرائمز کو روکنے اور اس میں کمی کیلئے آپریشنز جاری ہیں، گرفتار ملزمان سے 39 موٹر سائیکلیں، 311 موبائل فون اور ایک کروڑ 37 لاکھ روپے کی رقم بھی برآمد کی گئی ہے۔
مزید خبریں :
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
