22 جون ، 2024 
غزہ: اسرائیلی فوج کا امدادی ادارے کے دفتر کے قریب کیمپ پر حملہ، 22 فلسطینی شہید
22 جون ، 2024
اسرائیلی فوج نے غزہ میں قائم ہلال احمر (ریڈ کراس) کے دفتر کے قریب واقع کیمپ کو نشانہ بنایا جس میں 22 فلسطینی شہید ہوگئے۔
ہلال احمر کے مطابق ان کے دفتر پر شیلنگ کی گئی جس سے ادارے کے دفتر کو بھی نقصان پہنچا جب کہ دفتر کے قریب واقع کیمپ میں پناہ لیے ہوئے 22 افراد شہید اور 45 زخمی ہوئے۔
ہلال احمر کے نمائندے کا کہنا ہے کہ امدادی ادارے کے دفتر کے بارے میں دونوں فریقین کو علم ہے کہ اس کے قریب تنظیم کا اسٹاف اور پناہ گزین موجود ہیں لیکن اس کے باوجود حملہ کرنا عام لوگوں کی جانیں خطرے میں ڈالنے کے مترادف ہے۔
عرب میڈیا کے مطابق ہلال احمر کے دفتر کے پاس 2 حملے ہوئے، پہلے حملے کے بعد جب لوگ حملے والی جگہ گئے تو وہاں دوبارہ سے شیلنگ کی گئی جس سے ہلاکتوں میں اضافہ ہوا۔
یاد رہے کہ گزشتہ سال 7 اکتوبر سے جاری اسرائیلی جارحیت میں اب تک 37 ہزار سے زائد فلسطینی شہید ہو چکے ہیں اور 84 ہزار سے زائد زخمی ہیں۔
مزید خبریں :
حزب اللہ نے حسن نصراللہ کی تدفین کا اعلان کردیا
32 منٹ پہلے
آکسفورڈ یونیورسٹی کے نئے چانسلر کا انتخاب ہوگیا
2 گھنٹے پہلے
روس کا یوکرین پر اب تک کا سب سے بڑا ڈرون حملہ
26 نومبر ، 2024
سعودی عرب کے مختلف شہروں میں آج بارش کا امکان، اسکول بند
26 نومبر ، 2024
