ورلڈکپ کے دو میچوں میں 2 ہیٹ ٹرک، پیٹ کمنز نے نئی تاریخ رقم کردی

آسٹریلوی فاسٹ بولر پیٹ کمنز نے آئی سی سی ٹی ٹوئنٹی ورلڈکپ میں مسلسل دوسرے میچ میں ہیٹ ٹرک کرکے تاریخ رقم کردی۔

سپر ایٹ مرحلے میں افغانستان کے خلاف میچ میں پیٹ کمنز نے کریم جنت، راشد خان اور گلبدین نائب کو پویلین لوٹایا، تینوں کھلاڑی کیچ آؤٹ ہوئے۔

اس سے قبل آسٹریلوی کھلاڑی نے جمعرات کو ہونے والے بنگلادیش کے خلاف بھی ہیٹ ٹرک کی تھی۔

ٹی ٹوئنٹی ورلڈکپ: پیٹ کمنز نے ریکارڈ بک میں اپنا نام درج کروا لیا

آسٹریلیا کی جانب سے پیٹ کمنز نے شاندار بولنگ کا مظاہرہ کرتے ہوئے 29 رنز دیکر تین کھلاڑیوں کو آؤٹ کیا

پیٹ کمنز  ٹی ٹوئنٹی ورلڈکپ میں ہیٹ ٹرک کرنے والے ساتویں کھلاڑی ہیں۔

خیال رہے کہ بنگلادیش کے خلاف ہیٹ ٹرک امریکا اور ویسٹ انڈیز میں جاری ٹی ٹوئنٹی ورلڈکپ میں کسی بھی بولر کی جانب سے پہلی ہیٹ ٹرک تھی اور پیٹ کمنز بریٹ لی کے بعد دوسرے آسٹریلین بولر ہیں جنہوں نے ٹوئنٹی ورلڈکپ میں ہیٹ ٹرک کا کارنامہ سرانجام دیا ہے۔

واضح رہے کہ اس میچ میں آسٹریلیا کو افغانستان کے ہاتھوں 21 رنز سے شکست بھی ہوئی، یہ افغانستان کی آسٹریلیا کے خلاف کسی بھی فارمیٹ میں پہلی کامیابی ہے۔