شمالی کوریا کا ہائپر سونک میزائل کا تجربہ، میزائل فضا میں ہی پھٹ گیا

شمالی کوریا کا مشرقی ساحل سے داغا گیا ہائپر سونک میزائل فضا میں ہی پھٹ گیا۔

غیر ملکی میڈیا رپورٹس کے مطابق جنوبی کوریا کی انٹیلی جنس ایجنسی کی جانب سے دعویٰ کیا گیا ہے کہ شمالی کوریا نے ہائپر سونک میزائل کا تجربہ کیا جو ناکام رہا۔

جنوبی کوریا کے جوائنٹ چیفس آف اسٹاف نے اس حوالے سے بتایا کہ ہائپر سونک میزائل شمالی کوریا کے دارالحکومت پیانگ یانگ کے قریب سے داغا گیا تھا جو فضا میں ہی پھٹ گیا۔

روس اور شمالی کوریا کے درمیان جامع اسٹریٹجک پارٹنرشپ کا معاہدہ طے پاگیا

معاہدے کے تحت کسی ایک ملک پر بیرونی جارحیت کی صورت میں دونوں ممالک باہمی تعاون کریں گے جبکہ فوجی تکنیکی تعاون بھی شامل ہوگا۔

جاپان کی وزارت دفاع کا اس حوالے سے بتانا ہے کہ میزائل نے تقریباً 100 کلومیٹر کی بلندی اور 200 کلومیٹر سے زیادہ کی رینج تک پرواز کی۔

خیال رہے کہ شمالی کوریا کی جانب سے ہائپر سونک میزائل کا تجربہ روس کے ساتھ جامع اسٹریٹجک پارٹنر شپ کے معاہدے پر دستخط کے کچھ ہی روز بعد سامنے آیا ہے۔