سنی اتحاد کونسل کی مخصوص نشستوں سے متعلق فیصلہ آج سنایا جائےگا، کاز لسٹ جاری

اسلام آباد: سنی اتحاد کونسل کی مخصوص نشستوں سے متعلق درخواست پر محفوظ فیصلہ آج دوپہر 12 بجے سپریم کورٹ میں سنایا جائےگا۔

چیف جسٹس پاکستان قاضی فائز عیسیٰ کی سربراہی میںسپریم کورٹ کا فل کورٹ دوپہر 12 بجے فیصلہ سنائےگا۔ اس حوالے سے کاز لسٹ جاری کردی گئی ہے۔

9 جولائی کو سپریم کورٹ نے سنی اتحاد کونسل کی مخصوص نشستوں سے متعلق درخواست پر فیصلہ محفوظ کیا تھا۔ اس موقع پر چیف جسٹس نے کہا  تھا کہ فیصلہ سنانے سے متعلق آپس میں مشاورت کریں گے اور فیصلہ کب سنایا جائےگا ابھی کچھ نہیں کہہ سکتے۔

اس حوالے سے کل اور  آج  فل کورٹ کا اجلاس ہوا تھا۔ چیف جسٹس قاضی فائز عیسیٰ کی سربراہی میں ہونے والے مشاورتی اجلاس میں فل کورٹ بینچ میں شامل تمام ججز نے  شرکت کی۔

سنی اتحاد کونسل کی مخصوص نشستوں سے متعلق درخواست پر فیصلہ محفوظ

کیس بہت اہم ہے، سنجیدہ سوالات الیکشن کمیشن کی ذمہ داری پر اٹھے ہیں، الیکشن کمیشن نے سپریم کورٹ کے سامنے ریکارڈ دبانے کی کوشش کی: عدالت

مخصوص نشستوں کا کیس: موجودہ تنازع الیکشن کمیشن کی غلطیوں کی وجہ سے ہوا، عدالت کی ڈیوٹی نہیں غلطی ٹھیک کرے، سپریم کورٹ

عدالت انصاف کے تقاضوں کا نہیں آئین اور قانون کا اطلاق کرتی ہے؟ نظریہ ضرورت کے تمام فیصلوں میں انصاف کے تقاضوں کا ہی ذکر ہے: سپریم کورٹ