22 جولائی ، 2024 
پاکستان
شمالی وزیرستان: دہشتگردوں نے لڑکیوں کے اسکول کو بارودی مواد سے تباہ کردیا
22 جولائی ، 2024
شمالی وزیرستان کے علاقے میر علی میں دہشت گردوں نے لڑکیوں کے ایک اسکول کو بارودی مواد سے تباہ کردیا۔
پولیس کے مطابق تحصیل میر علی کے علاقے زیرکی گاؤں میں دہشت گردوں نے رات گئے لڑکیوں کے سرکاری مڈل اسکول کو بارودی مواد سے تباہ کر دیا۔
پولیس کا کہنا ہےکہ واقعہ رات کو پیش آیا ہے،کوئی جانی نقصان نہیں ہوا، دھماکے سے اسکول کی پوری عمارت گرگئی جب کہ قریبی مکان کو بھی شدید نقصان پہنچا ہے۔
پولیس نے واقعےکی تحقیقات شروع کردی ہے۔
