27 اگست ، 2024 
جرائم
اسلام آباد میں کیش وین سے کروڑوں روپے لوٹ لیے گئے، سی سی ٹی وی منظرعام پر آگئی
27 اگست ، 2024
وفاقی دارالحکومت اسلام آباد میں ڈکیٹی کی بڑی واردات ہوئی ہے اور مسلح ڈاکوؤں نے بینک کی کیش وین سے کروڑوں روپے لوٹ لیے جبکہ مزاحمت پر سکیورٹی گارڈ کو بھی قتل کردیا گیا۔
وفاقی دارالحکومت کے فراش ٹاؤن میں ڈکیتی کا واقعہ پیش آیا جہاں مسلح افراد نے بینک کی کیش وین کے عملے پر فائرنگ کی جس سے سکیورٹی گارڈ سلمان جاں بحق جبکہ دو گارڈ زخمی ہوگئے۔
اس کے بعد ڈاکوکیش وین سے دو بیگز میں موجود 3 کروڑ 68 لاکھ روپے لیکر فرار ہوگئے۔
پولیس کو جائے واردات سے 10 خول ملےہیں، پولیس نے واقع کہ تحقیقات شروع کردی ہیں۔ دوسری جانب دن دیہاڑے ڈکیتی کی سی سی ٹی وی فوٹیج منظرعام پر آگئی۔ ویڈیو میں ڈاکوؤں کو واردات کے دوران فائرنگ کرتے دیکھا جاسکتا ہے۔
مزید خبریں :
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
