چیمپئنز کپ کھیلنے والے قومی کرکٹرز کو زم ایفرو ٹی10 لیگ کیلئے این او سی نہ دینے کا فیصلہ

پاکستان کرکٹ بورڈ ( پی سی بی) نے چیمپئنز ون ڈے کپ میں شرکت کرنے والے قومی کرکٹرز کو زمبابوے کی کرکٹ لیگ زم ایفرو ٹی 10 کے دوسرے سیزن کیلئے این او سی جاری نہ کرنے کا فیصلہ کیا ہے۔

زم ایفرو ٹی 10 ٹورنامنٹ 21 ستمبر سے ہرارے میں شروع ہوگا جبکہ پاکستان کا ڈومیسٹک چیمپئنز ون ڈے کپ کا آغاز کل سے ہو رہا ہے۔

زمبابوے کی کرکٹ لیگ زم ایفرو ٹی 10 میں شریک مختلف ٹیموں نے پاکستانی کرکٹرز کو بھی سائن کیا تھا جن میں شاہنواز دھانی ، آصف علی، حیدر علی، یاسر شاہ ، محمد عرفان ، شرجیل خان اور سلمان ارشاد  شامل ہیں۔

شاہنواز دھانی، آصف علی اور حیدر علی چیمپئنز ون ڈے کپ میں ٹیموں کے اسکواڈ میں شامل ہیں۔

تاہم ذرائع کے مطابق پی سی بی نے چیمپئنز ون ڈے کپ کھیلنے والے قومی کرکٹرز کو زم ایفرو ٹی 10 لیگ کیلئے این او سی نہ دینے کا فیصلہ  کیا ہے۔

زم ایفرو ٹی 10 کے سیزن 2 کیلئے کھلاڑیوں کی ڈائریکٹ سائننگ کا عمل مکمل

ایونٹ میں شریک مختلف ٹیموں کے اپنے اپنے اسکواڈز کیلئے 6 پاکستانی کرکٹرز کو بھی سائن کرلیا۔

ذرائع کا کہنا ہے کہ  آئی سی سی نے زم ایفرو ٹی 10 لیگ کی منظوری کی تصدیق کر دی  ہے۔ زمبابوے کرکٹ نے پی سی بی سے قومی کرکٹرز کو این او سی دینے کا کہا تھا۔

ذرائع کے مطابق 4 کرکٹرز کو این او سی جاری کرنے کا تاحال فیصلہ نہیں ہوا ہے ، چاروں کرکٹرز کے این او سی جاری کا کیس ٹو کیس فیصلہ ہو گا۔