بوڑھوں کی تعداد میں اضافہ اور پینشن کا بوجھ، چین نے ریٹائرمنٹ کی عمر میں اضافہ کردیا

چین نے 1950 کی دہائی کے بعد پہلی مرتبہ ریٹائرمنٹ کی عمر میں اضافہ کردیا۔

چین کی نیشنل پیپلز کانگریس نے ریٹائرمنٹ کی عمر میں اضافے کی تجویز منظور کرلی ہے جس کے تحت بیلو کالر جاب کرنے والی خواتین کی ریٹائرمنٹ کی عمر 50 سے بڑھا کر 55 سال جبکہ وائٹ کالر جاب کرنے والی خواتین کی ریٹائرمنٹ کی عمر 55 سے بڑھا کر 58 سال کردی جائے گی۔

تجویز کے مطابق مردوں کی ریٹائرمنٹ کی عمر 60 سے  بڑھا کر 63 برس کردی جائے گی۔

 غیرملکی میڈیا کے مطابق ریٹائرمنٹ کی عمر میں اضافے کا اطلاق یکم جنوری 2025 سے شروع ہوگا اور آئندہ 15 برسوں میں ریٹائرمنٹ کی عمر میں مطلوبہ اضافے کے ہدف تک پہنچا جائے گا۔

غیر ملکی میڈیا کے مطابق چین کو عمر رسیدہ افراد کی بڑھتی تعداد اور پینشن کے بڑھتے بوجھ کا سامنا ہے، چین میں ریٹائرمنٹ کی موجودہ عمر دنیا میں سب سے کم ہے۔ 

سال 2030 سے ملازمین کو پینشن کے حصول کے لیے سوشل سکیورٹی کے نظام میں پیسے دینے ہوں گے جبکہ 2039 کے بعد سے ملازمین کو پینشن کا اہل ہونے کے لیے 20 سال تک سوشل سکیورٹی نظام میں رقم جمع کروانی ہوگی۔

چین: نو برسوں میں پہلی بار شادی کی شرح میں اضافہ

چین میں پیدائش کی شرح میں کمی کاسامناہے اور آئندہ دہائیوں میں تقریبا 30 کروڑ افراد کی ریٹائرمنٹ متوقع ہے

جاپان: رواں سال گھروں میں تنہا رہنے والے 37 ہزار افراد کا انتقال ہوا، سیکڑوں لاشیں مہینوں بعد ملیں

رپورٹ میں انکشاف ہوا ہے کہ تقریباً 3 ہزار 939 لاشیں مرنے والے کی موت کے ایک ماہ بعد اور 130 لاشیں کم از کم ایک سال بعد دریافت ہوئیں۔