شہید صحافی نصراللہ گڈانی کے اہلخانہ پر مسلح افراد کا حملہ، بھائی سمیت متعدد افراد زخمی

گھوٹکی کے علاقے میں میرپورماتھیلو میں ایس ایس پی آفس کے سامنے صحافی نصیر گڈانی کے قاتلوں کی گرفتاری کیلئے دھرنے سے واپس جانے والے شہید صحافی کےاہلخانہ اور شہریوں پر نامعلوم مسلح افراد نےحملہ کردیا۔

پولیس کےمطابق صحافی نصراللہ گڈانی کے قاتلوں کی گرفتاری کیلئے احتجاجی دھرنے سے واپسی پر نامعلوم مسلح افراد نے شرکا پر ڈنڈوں سے حملہ کیا جس کے نیتجے میں نصراللہ کے بھائی سمیت متعدد افراد زخمی ہوگئے۔

 اس دوران مسلح اور ڈنڈا بردار افراد نے صحافیوں پربھی حملہ کیا۔ واقعے کےخلاف قومی شاہراہ پر احتجاج کیاگیا۔

گھوٹکی میں قاتلانہ حملے میں زخمی صحافی نصراللہ گڈانی دوران علاج انتقال کرگئے

حکومت سندھ نے نصراللہ کی زندگی بچانے کیلئے بھرپور اقدامات کیے لیکن اللہ پاک کو یہی منظور تھا: وزیراعلیٰ سندھ

ڈی ایس پی میرپورماتھیلو کے مطابق معاملے کی تحقیقات کی جارہی ہیں تاہم یقین دہانی پر قومی شاہراہ پر احتجاج دو گھنٹوں بعد ختم کردیاگیا۔

خیال رہے کہ 24 مئی کومیرپور ماتھیلو میں نامعلوم افراد کی فائرنگ سے زخمی ہونے والے صحافی نصراللہ گڈانی کراچی میں دوران علاج دم توڑ گئے تھے۔