اسلام آباد: ڈاکٹر ذاکر نائیک تقریب کا اسٹیج چھوڑ کر چلے گئے

کراچی: ممتاز اسلامی اسکالر ڈاکٹر ذاکر نائیک گزشتہ روز  اسلام آباد میں ہونے والی ایک تقریب کا اسٹیج چھوڑ کر چلے گئے۔

اسلام آباد میں یتیم بچوں کی ایک غیر سرکاری تنظیم کی جانب سے 'پاکستان سویٹ ہوم' میں بچوں کیلئے ایوارڈ کی تقریب کا اہتمام کیا گیا جہاں معروف اسکالر کو بطور مہمان خصوصی دعوت دی گئی۔

انتظامیہ کی جانب سے ڈاکٹر ذاکر نائیک کو اسٹیج پر یتیم لڑکیوں کو ایوارڈ پیش کرنے کا کہا گیا اور جیسے ہی اسٹیج پر لڑکیاں آئیں تو ڈاکٹر ذاکر اسٹیج چھوڑ کر چلے گئے۔

بتایا جارہا ہے کہ ڈاکٹر ذاکر نائیک نے لڑکیوں کو شیلڈ دینے سے انکار کرتے ہوئے  کہا کہ لڑکیاں نامحرم ہیں اس لیے وہ شیلڈ پیش نہیں کریں گے۔

واضح رہے کہ ڈاکٹر ذاکر نائیک 30 ستمبر کو  ایک ماہ کے دورے کیلئے پاکستان آئے ہیں۔

غزہ کے مسلمان اسرائیل کیخلاف جہاد کرکے فرض کفایہ ادا کر رہے ہیں: ڈاکٹر ذاکر نائیک

غزہ کے لوگ جہاد کے ساتھ دعوت کا کام بھی سرانجام دے رہے ہیں اور ہمیں بھی اسلام سکھا رہے ہیں، ڈاکٹر ذاکر نائیک

ڈاکٹر ذاکر نائیک آج گورنر ہاؤس کراچی میں خطاب کرینگے، شرکت دعوت نامے سے مشروط

گورنرسندھ کامران خان ٹیسوری نے کراچی پہنچنے پر ڈاکٹر ذاکرنائیک کا خیرمقدم کیا