حارث کی شادی: دوستوں نے کرکٹر کو چارپائی پراچھال دیا، ویڈیو وائرل

قومی کرکٹر محمد حارث بھی حال ہی میں رشتہ ازدواج میں منسلک ہوگئے  جس کی تصاویر اور ویڈیوز سوشل میڈیا پر وائرل ہیں۔

گزشتہ ماہ 6 ستمبر کو محمد حارث نے انسٹاگرام پر اپنے نکاح کی خوشخبری سنائی تھی اور ساتھ ہی اپنی کچھ تصویریں بھی شیئر کی تھیں۔

 رواں ہفتے بدھ کو محمد حارث شادی کے بندھن میں بندھ گئے، بارات کی تقریب میں دوستوں اور رشتے داروں نے شرکت کی تھی جب کہ گزشتہ روز کرکٹر کے ولیمے کی تقریب کا انعقادکیا گیا۔

قومی کرکٹر محمد حارث شادی کے بندھن میں بندھ گئے

محمد حارث کی شادی فیملی میں ہوئی ہے، ان کے ولیمے کی تقریب کل ہوگی: بھائی

اسی دوران سوشل میڈیا پر ایک ویڈیو سامنے آئی ہے جس میں کرکٹر کے دوست احباب  دلہا حارث  کو چارپائی پر کھڑا کرکے اچھال رہے ہیں۔

اس موقع پر وہاں موجود لوگوں نے حارث پر پیسے بھی نچھاور کیے جب کہ حارث ویڈیو میں ہنستے ہوئے خود کو گرنے سے بچانے کی کوشش کرتے دیکھے گئے۔