ایس سی او اجلاس میں معاشی امور، تجارت اور کنیکٹیویٹی پر فوکس رہےگا: ترجمان دفتر خارجہ

اسلام آباد: ترجمان دفترخارجہ ممتاز زہرا بلوچ کا کہنا ہے کہ شنگھائی تعاون تنظیم (ایس سی او) اجلاس میں معاشی امور، تجارت اور کنیکٹیویٹی پر فوکس رہےگا۔

جیونیوز سے گفتگو کرتے ہوئے ممتاز  زہرا بلوچ  نےکہا کہ کانفرنس میں ایس سی او کے اسٹرکچر اور بجٹ پر بھی بحث ہوگی مگر زیادہ فوکس معاشی امور، تجارت اور کنیکٹیویٹی پر  رہے گا۔ 

ترجمان دفتر خارجہ نے کہا کہ یہ ایونٹ پاکستان کی سفارت کاری کے تناظر میں بہت اہم ہے، رکن ممالک کے سربراہان کا آنا پاکستان کے اقدامات پر اعتمادکا ثبوت ہے۔ 

ایک سوال کے جواب میں انہوں نے کہا کہ اس وقت بھارت اور پاکستان کی کوئی باہمی میٹنگ پلان نہیں ہے۔ 

واضح رہے دو روزہ شنگھائی تعاون تنظیم کا اجلاس کل اسلام آباد  میں شروع ہوگا، کانفرنس  میں شرکت کے لیے چین کے وزیراعظم سمیت دیگر ممالک کے حکومتی رہنما اور  وفود پاکستان پہنچ چکے ہیں۔ 

ایس سی او کانفرنس: چینی وزیراعظم پاکستان پہنچ گئے، شہباز شریف نے استقبال کیا

چینی وزیراعظم کو پاکستان آمد پر 21 توپوں کی سلامی دی گئی اور گارڈ آف آنر بھی پیش کیا گیا

ایس سی او کانفرنس میں شرکت کرنے والے وفود کے سربراہان کے نام جاری

چائنا، بیلا روس اور قازقستان کے وزیراعظم اپنے اپنے وفود کی قیادت کریں گے، وزارت خارجہ