06 مارچ ، 2025 
گرفتاری سے بچنے کیلئے چور نے 21 کروڑ روپے سے زائد مالیت کے ہیرے نگل لیے
06 مارچ ، 2025
امریکی ریاست فلوریڈا کے شہر اورلینڈو سے تعلق رکھنے والے ایک شخص نے گرفتاری سے بچنے کے لیے 21 کروڑ 25 لاکھ روپے سے زائد مالیت کے ہیرے نگل لیے۔
غیر ملکی میڈیا کے مطابق جیتھن لارنس گلائیڈر نامی 32 سالہ شخص نے 26 فروری کو اورلینڈو کے ایک شاپنگ مال سے 769000 ڈالر (یعنی پاکستانی 21 کروڑ اور 25 لاکھ روپے سے زائد مالیت) کے ہیرے کی بالیوں کے دو جوڑے چوری کیے۔
میڈیا رپورٹس کے مطابق جیتھن چوری کرنے کے بعد فرار ہوگیا جس کی گرفتاری کیلئے پولیس نے اس کا پیچھا کیا اور ایک سڑک پر اسے روک کر گرفتار کر لیا، لیکن انہیں جیتھن کے پاس سے کچھ نہ ملا۔
میڈیا رپورٹس کے مطابق دوران تفتیش ملزم نے کہا کہ کیا مجھے میرے پیٹ میں کچھ ہونے کی وجہ سے گرفتار کیا جائے ؟ جس کے بعد پولیس کی جانب سے جیتھن کا ایکسرے کیا گیا جس سے معلوم ہوا کہ اس کے ہاضمے کی نالی میں کوئی چیز موجود ہے۔
پولیس کی جانب سے شبہ ظاہر کیا جارہا ہے کہ یہ چیز چرائے گئے قیمتی ہیرے ہیں جس کے بعد وہ ان ہیروں کو جیتھن کے جسم سے قدرتی طور پر باہر آنے کا انتظام کر رہے ہیں جبکہ جیتھن اس وقت پولیس کی گرفت میں ہی موجود ہے۔
مزید خبریں :
108 سالہ خاتون نے منفرد عالمی ریکارڈ اپنے نام کرلیا
2 گھنٹے پہلے
وہ سبزیاں جو فریج میں رکھنے سے مضر صحت ہوجاتی ہیں؟
5 گھنٹے پہلے
چاند پر سورج طلوع ہونے کا کا دلچسپ نظارہ دیکھیں
04 مارچ ، 2025
ایک ساتھ ملکر دوستوں کی طرح کام کرنے والے منفرد روبوٹس
03 مارچ ، 2025
