حکومت کے پاس 3 متبادل ڈرافٹ ہیں، ووٹ نہ دیا تو حکومت من مانا مسودہ منظور کرا لے گی: رہنما جے یو آئی

اسلام آباد: جمعیت علمائے اسلام کے رہنما اور سینیٹر کامران مرتضیٰ کا کہنا ہے کہ حکومت کے پاس تین متبادل ڈرافٹس تیار  ہیں، اگر ہم نے ووٹ نہ دیا تو حکومت اپنا من مانا مسودہ منظور کرا لے گی۔ 

مولانا فضل الرحمان کی رہائشگاہ آمد کے موقع پر میڈیا سے گفتگو کرتے ہوئے سینیٹر کامران مرتضیٰ کا کہنا تھا کہ دعا کرنی چاہیے کہ اللہ ہم سے غلط فیصلہ نہ کرائے۔

 انہوں نے  کہا کہ حکومت کے پاس تین متبادل ڈرافٹ تیار ہیں، اگر ہم نے ووٹ نہ دیا تو حکومت اپنا من مانا مسودہ منظور کرا لے گی، پھر آرٹیکل 8 اور آرٹیکل 191 میں بھی ترمیم ہو جائےگی۔

جے یو آئی رہنما نے مزید کہا کہ  پی ٹی آئی کا وفد پہنچ رہا ہے جس کے بعد مولانا فضل الرحمان کو صورتحال سے آگاہ کروں گا۔ 

دوسری جانب آئینی ترمیم کے حوالے سے گفتگو کرتےہوئے وزیر دفاع خواجہ آصف نے کہا کہ سینیٹ اور قومی اسمبلی میں آئینی ترمیم کے لیے ووٹ مکمل ہیں اور  آج ہر صورت آئینی ترمیم ہو جائے گی۔ 

خواجہ آصف کا کہنا تھا کہ اپوزیشن دعوے نہ کرے تو کیا کرے،کچھ تو سودا بیچنا ہے، آئنی ترمیم پر آج چھٹی کے دن ان کی چھٹی ہو جائے گی۔ 

پی ٹی آئی کا 11 اراکین پارلیمنٹ کے ساتھ رابطہ منقطع، نام بھی سامنے آگئے

2 سینیٹرز اور 9 ارکان قومی اسمبلی سے قیادت کا رابطہ نہیں ہوپارہا: پی ٹی آئی ذرائع

وفاقی کابینہ نے 26 ویں آئینی ترمیم کے مسودے کی منظوری دیدی

وفاقی کابینہ کا اجلاس وزیر اعظم شہباز شریف کی زیر صدارت ہوا