22 فروری ، 2013 
تیسرا ٹیسٹ:کھانے کے وقفے پرجنوبی افریقا2 وکٹوں پر104 رنز
22 فروری ، 2013
سینچورین…تیسرے کرکٹ ٹیسٹ کے پہلے روز کھانے کے وقفے پر جنوبی افریقا نے پاکستان کے خلاف پہلی اننگز میں2 وکٹوں کے نقصان پر 104 رنزبنالیے۔ ہاشم آملہ 50 اور ڈو پلیسی29 رنز کے ساتھ ناٹ آؤٹ ہیں۔ سینچورین میں کھیلے جارہے سیریز کے تیسرے اور آخری ٹیسٹ میں میزبان جنوبی افریقا نے ٹاس جیت کر بیٹنگ کا فیصلہ کیا، پاکستان کو ابتداء ہی میں اس وقت کامیابی حاصل ہوئی جب پیٹرسن10 رنز بناکر پویلین واپس لوٹ گئے، انہیں راحت علی نے ایل بی ڈبلیو آؤٹ کیا۔ مجموعی اسکور میں25 رنز کے اصافے کے بعد کپتان گریم اسمتھ صرف پانچ رنز بناکر احسان عادل کا شکار بنے۔آج کے میچ کیلئے پاکستان نے تین تبدیلیا کی ہیں اور ناصر جمشید، عمرگل اور تنویر احمد کی جگہ عمران فرحت، احسان عادل اور راحت علی کو ٹیم میں شامل کیا ہے۔پاکستان ٹیم لگاتار دو ٹیسٹ میں شکست کھانے کے بعد وائٹ واش کے خطرے سے دوچار ہے۔ میزبان ٹیم کو سیریز میں دو صفر کی فیصلہ کن برتری حاصل ہے۔
