27 اکتوبر ، 2024 
دنیا
مسافروں کو لے جانے والی بس ہائی پر موجود ایک ٹریکٹر ٹریلر سے ٹکرائی، جس کے نتیجے میں تیز رفتار بس بےقابو ہو کر کھائی میں جاگری: حکام/ رائیٹرز
میکسیکو میں بس کھائی میں گرنے سے 19 افراد ہلاک
27 اکتوبر ، 2024
شمال امریکی ملک میکسیکو میں بس کو خوفناک واقعہ پیش آیا جس کے نتیجے میں متعدد افراد ہلاک ہوگئے۔
مقامی حکام کی جانب سے بتایا گیا کہ 26 اکتوبر کو میکسیکو کی وسطی ریاست زکاٹیکاس میں ایک ہائی وے پر ایک بس کے ساتھ حادثہ پیش آیا۔
حکام نے بتایا کہ مسافروں کو لے جانے والی بس ہائی وے پر موجود ایک ٹریکٹر ٹریلر سے ٹکرائی اور پھر بےقابو ہو کر کھائی میں جاگری۔
حکام کے مطابق بس حادثے کی وجہ سے 19 افراد ہلاک جبکہ 6 زخمی ہوئے، جنہیں فوری طبی امداد کیلئے اسپتال منتقل کردیا گیا۔
حکام نے مزید بتایا کہ ٹریکٹر ٹریلر کے ڈرائیور کو گرفتار کرنے کیلئے تحقیقات کا آغاز کردیا گیا ہے۔
