24 نومبر ، 2024 
پاکستان
فوٹو: فائل
’پروازیں حسب معمول جاری رہیں گی‘ سول ایوی ایشن اتھارٹی نے افواہوں کو مسترد کردیا
24 نومبر ، 2024
سول ایوی ایشن اتھارٹی (سی اے اے) نے کہا ہے کہ پاکستان کے تمام ائیرپورٹس پر قومی اور بین الاقوامی پروازیں معمول کے مطابق جاری ہیں۔
سول ایوی ایشن اتھارٹی کے مطابق اسلام آباد ائیرپورٹ پر بھی تمام پروازیں معمول کے مطابق جاری ہیں اور اسلام آباد آنے والی پروازیں حسب معمول جاری رہیں گی۔
سول ایوی ایشن اتھارٹی کا کہنا ہے کہ بین الاقوامی پروازوں کے مسافروں کو اسلام آباد ائیرپورٹ پر روکے جانے سے متعلق افواہیں سراسر جھوٹی اور بے بنیاد ہیں۔
بیان میں عوام سے اپیل کی گئی کہ افواہوں پر کان نہ دھریں اور کسی خبر کیلئے سول ایوی ایشن اتھارٹی کے مصدقہ پلیٹ فارم سے رجوع کریں۔
ذرائع کا کہناہے کہ فیک نیوز پھیلانے والے اکاؤنٹس کے خلاف قانونی کارروائی کا آغاز کر دیا گیا ہے۔
