03 دسمبر ، 2024 
مومنہ اقبال نے کیرئیر کے آغاز میں سینئر اداکارہ کے برے رویے کا احوال بتادیا
03 دسمبر ، 2024
اداکارہ و ماڈل مومنہ اقبال نے اپنے ساتھ سینئر اداکارہ کے برے روئیے پر لب کشائی کی ہے۔
جیو نیوز کے پروگرام 'ہنسنا منع ہے' میں اداکارہ مومنہ اقبال نے شرکت کی جہاں انہوں نے انڈسٹری میں اپنے کیرئیر کے آغاز کے دوران سینئرز کے رویوں کے حوالے سے گفتگو کی۔
اداکارہ نے نام لیے بغیر بتایا کہ میں میک اپ روم میں تھی، ایک سینئراداکارہ روم میں آئیں تو میں ان کے احترام میں کھڑی ہوگئی اور سلام کیا لیکن انہوں نے کوئی جواب نہیں دیا، ان کا رویہ ایسا تھا جیسے یہ کون ہے؟ اور مجھے نظر انداز کیا۔
مومنہ اقبال نے کہا کہ اس کے بعد سینئر اداکارہ میک اپ کیلئے کرسی پر بیٹھ گئیں، میں نے انہیں دوبارہ سلام کیا اور پھر میں بھی دوبارہ اپنے بال بنوانے لگی جس پر مجھے میک اپ آرٹسٹ نے کہا کہ آپ یہاں سے اٹھ جائیں پہلے سینئر اداکارہ کا میک اپ ہوگا، لیکن میں نے اپنی سیٹ سے اٹھنے سے منع کردیا اور اپنا کام مکمل کیا۔
اداکارہ نے مزید کہا کہ یہ تمیز ہوتی ہے جو میرے والدین نے سکھائی ہے اور مجھے کیرئیر کے ابتدا میں اپنی جگہ بنانے کیلئے جدوجہد کرنا پڑی۔
مزید خبریں :
کوریا کے 32 سالہ معروف اداکار چین میں چل بسے
03 دسمبر ، 2024
اردو میری مادری زبان نہیں: اداکارہ سلمیٰ حسن کا انکشاف
03 دسمبر ، 2024
