23 دسمبر ، 2024 
بہاولپور: نوکری کا جھانسہ دے کر مبینہ اجتماعی زیادتی اور تشدد کا شکار لڑکی دم توڑگئی
23 دسمبر ، 2024
بہاولپور میں نوکری کا جھانسہ دے کر مبینہ اجتماعی زیادتی اور تشدد کا شکار لڑکی وکٹوریہ اسپتال میں دم توڑگئی۔
پولیس کے مطابق لڑکی وکٹوریہ اسپتال میں زیر علاج تھی جہاں وہ آج انتقال کرگئی۔
ملزمان 9 دسمبر کو لڑکی کو اسپتال کی ایمرجنسی چھوڑ گئے تھے۔
اسپتال انتظامیہ نے بتایاکہ مقتولہ کے جسم پر تشدد کے نشان تھے اور گردے بھی فیل ہوچکے تھے۔ اہل خانہ کا کہنا ہے کہ لڑکی کو مبینہ اجتماعی زیادتی کا نشانہ بناکر تشدد کیا گیاتھا، جسم کے مختلف حصوں پر تیزاب بھی ڈالا گیا تھا۔
پولیس کا کہنا ہے کہ مقدمہ درج کرکے مرکزی ملزم سمیت 2 ملزمان کو گرفتار کیا جاچکا ہے۔
دوسری جانب وزیر اعلیٰ پنجاب مریم نواز نے بہاولپور میں لڑکی سے مبینہ اجتماعی زیادتی اور جاں بحق ہونے کے واقعے کا نوٹس لے لیا اور آر پی او بہاولپور سے رپورٹ طلب کرلی۔
انہوں نے سوگوار خاندان سے دلی ہمدردی و تعزیت کا اظہار کیا اورحکم دیا کہ ذمہ دار ملزمان کو کیفر کردار تک پہنچایا جائے۔
مزید خبریں :
لاہور:گھریلو ملازمہ 20 لاکھ روپے اور 20 تولے سونا لے کر فرار
23 دسمبر ، 2024
ناراض بیوی نے شوہر کی بھینسوں اور گائے کو زہردیدیا
23 دسمبر ، 2024
