01 جنوری ، 2025 
پشاور: احتجاج کرنیوالے بلدیاتی نمائندوں پر پولیس کی شیلنگ، ریڈ زون جانے سے روک دیا
01 جنوری ، 2025
پشاور میں پولیس نے احتجاج کرنے والے بلدیاتی نمائندوں پر شیلنگ کرکے انہیں منتشر کردیا۔
پشاور میں بلدیاتی نمائندوں نے احتجاج کے دوران ریڈ زون میں داخل ہونے کی کوشش کی جس پر پولیس کی جانب سے شیلنگ کی گئی، جس کے بعد مظاہرین منتشر ہوگئے۔
کچھ دیر بعد مظاہرین نے جمع ہوکر دوبارہ ریڈزون جانے کی کوشش کی تو پولیس نے پھر شیلنگ کرکے مظاہرین کو منتشر کردیا اور ریڈ زون کے دونوں اطراف کا علاقہ سیل کردیا۔
بلدیاتی نمائندوں کا کہنا تھا کہ ہم سے اختیارات لے لیےگئے ہیں، فنڈز بھی نہیں دیے جارہے،لوکل گورنمنٹ ایکٹ پرانی حالت میں بحال کیا جائے۔
سیکرٹری جنرل جماعت اسلامی امیرالعظیم نے ایک بیان میں پشاور میں احتجاج کرنے والے بلدیاتی نمائندوں پر تشددکی مذمت کی ہے۔
امیر العظیم کا کہنا تھا کہ صوبائی حکومت کا بدترین لاٹھی چارج غیر جمہوری رویہ ہے، صوبائی حکومت نے اپنے تحصیل چیئرمینوں کو فنڈجاری کیے ہیں جب کہ اپوزیشن کے روک رکھے ہیں۔
