05 جنوری ، 2025 
کچرا پھینکنے کا تنازع، بیٹے نے بیوی کیساتھ ملکر والدہ کو گھر سے نکال دیا، خاتون سردی سے ٹھٹھر کر جاں بحق
05 جنوری ، 2025
ٹنڈو یوسف تھانے کی حدود میں کچراگھر سے باہر پھینکنے کے تنازع پر سفاک بیٹے نے بیوی کے ساتھ مل کر مبینہ طورپر والدہ کو سخت سردی میں گھر سے نکال دیا۔
تفصیلات کے مطابق ٹنڈویوسف تھانے کی حدود گجراتی پاڑہ میں گزشتہ شب گھریلو تنازع پر 65 سالہ کلثوم قاضی کو اس کے بڑے بیٹے محمدعلی قاضی نے بیوی کے ہمراہ مبینہ طورپر تشدد کانشانہ بناکر سخت سردی میں گھر سے نکال دیا جس کے باعث خاتون گھرکے دروازے کے باہر بیٹھی رہیں اورسردی سے ٹھٹھر کر انتقال کرگئیں۔
متوفی خاتون کے جھوٹے بیٹے سجاد قاضی نے اپنے بیان میں کہا کہ کچرا گھر سے باہر پھینکنے کے تنازع پر بڑے بھائی نے مجھے اور والدہ کو تشدد کا نشانہ بنایا اور چھریوں سے حملہ کیا اورگھرسے باہر نکال دیا جس کے باعث سخت سردی سے والدہ فوت ہوگئیں۔
معمر خاتون کی لاش کو پوسٹ مارٹم کے لیے سول اسپتال منتقل کردیا گیا ہے۔
مزید خبریں :
ڈی سی کرم پر حملے میں ملوث ایک اور ملزم گرفتار
3 گھنٹے پہلے
بلوچستان کے علاقے موسیٰ خیل میں جنگلات میں آگ لگ گئی
5 گھنٹے پہلے
