13 جنوری ، 2025 
ٹیم منیجمنٹ نے ویسٹ انڈیزکیخلاف ٹیسٹ سیریز میں پچز سے متعلق حکمت عملی تیارکرلی
13 جنوری ، 2025
قومی ٹیم منیجمنٹ نے ویسٹ انڈیز کے خلاف ٹیسٹ سیریز میں پچز سے متعلق حکمت عملی تیارکرلی۔
ملتان کرکٹ اسٹیڈیم میں ٹیسٹ میچوں کے لیے پچ بنانےکاکام شروع کردیا گیا ہے۔
گراؤنڈ مین کو دونوں ٹیسٹ میچوں کے لیے اسپنرز کے لیے سازگار پچ بنانےکی ہدایت کی گئی ہے۔ ہیڈکیوریٹر ٹونی ہیمنگ نے پچ کو سوکھا اور ڈرائی رکھنےکے لیے نیا پلان ترتیب دیا ہے۔
ہیڈکیوریٹر ٹونی ہیمنگ نے گرین ہاؤس کا آئیڈیا پاکستان کرکٹ میں متعارف کروایا ہے۔ پچ کو مکمل طور پر کوور سے ڈھانپ دیاگیا ہے،کوورز کے دونوں اطراف اندرونی حصے میں ہیٹرز لگائےگئے ہیں۔
گرمائش کو قائم رکھنے اور ضائع نہ ہونے دینےکے لیے گرین ہاؤس کا آئیڈیا استعمال کیا گیا ہے۔گرین ہاؤس کا آئیڈیا استعمال کرنےکا مقصد ملتان میں دھند کے باعث موجود نمی کو ختم کرنا ہے۔
خیال رہے کہ کریگ بریتھ ویٹ کی قیادت میں ویسٹ انڈیز کی کرکٹ ٹیم 2 ٹیسٹ پر مشتمل سیریز کے لیے پاکستان میں موجود ہے، ملتان میں پہلا ٹیسٹ 17 اور دوسرا ٹیسٹ 25 جنوری سے شروع ہوگا۔
مزید خبریں :
آئی سی سی نے مینز کرکٹر آف دی ایئر کا اعلان کر دیا
3 گھنٹے پہلے
آئی سی سی کے سی ای او اپنے عہدے سے دستبردار ہوگئے
7 گھنٹے پہلے
