02 فروری ، 2025 
پاکستان
لیویز اہلکار نجی ڈرائیور کے ہمراہ چوری کے ٹرک کی برآمدگی کے لیے جارہے تھے جس دوران ان پر حملہ کیا گیا، اسٹنٹ کمشنر/ فائل فوٹو
ڈی آئی خان میں لیویز کی گاڑی پر فائرنگ سے 4 اہلکاروں سمیت 5 افراد جاں بحق
02 فروری ، 2025
ڈیرہ اسماعیل خان میں لیویز کی گاڑی پر فائرنگ ہوئی جس کے نتیجے میں 4 لیویز اہلکاروں سمیت 5 افراد جاں بحق ہوگئے۔
اسسٹنٹ کمشنر کا کہنا ہے کہ ڈیرہ اسماعیل خان کی تحصیل درابن میں خانوزئی لیویز اہلکار نجی ڈرائیور کے ہمراہ چوری کے ٹرک کی برآمدگی کے لیے جارہے تھے جس دوران ان پر حملہ کیا گیا جس کے بعد بعد گاڑی میں آگ لگ گئی۔
اسسٹنٹ کمشنر کاریزات کے مطابق خانوزئی لیویز کی گاڑی پر حملے کے نتیجے میں 4 لیویز اہلکاروں سمیت 5 افراد جاں بحق ہوگئے۔
اسسٹنٹ کمشنر کا بتانا ہے کہ جاں بحق لیویز اہلکاروں کی میتیں درابند اسپتال منتقل کردی گئی ہیں جبکہ واقعے کی تحقیقات جاری ہیں۔
