03 مارچ ، 2013 
ملک بھر میں موسم تبدیل ہونا شروع، درجہ حرارت بڑھنے لگا
03 مارچ ، 2013
اسلام آباد … ملک بھر میں موسم تبدیل ہونا شروع ہوگیا ہے۔ بالائی علاقوں میں بھی سردی کی شدت آہستہ آہستہ کم ہورہی ہے تاہم کئی سیاحتی مقامات پر برفباری کے بعد بند ہونے والے راستے اب تک کھولے نہیں جاسکے ہیں۔گلگت بلتستان میں موسم صاف ہوجانے کے باوجود اب تک کئی بالائی علاقوں میں راستوں سے برف ہٹانے کا کام شروع نہیں ہوسکا، ہنزہ نگر، دیامر، استور اور غذر میں لوگ مشکلات کا شکار ہیں۔ مری، آزاد کشمیر، مالاکنڈ اور ہزارہ ڈویڑن کے پہاڑوں پر اب تک برف جمی ہے جہاں سے آنے والی ٹھنڈی ہواوٴں کی وجہ سے فضا میں خنکی برقرار ہے۔ شمالی بلوچستان میں خشک سردی کی وجہ سے بیماریاں پھیل رہی ہیں۔ محکمہ موسمیات کے مطابق آئندہ چوبیس گھنٹوں کے دوران ملک کے بیشترعلاقوں میں موسم خشک اور شمالی علاقوں میں سرد رہے گا۔ سندھ اور بلوچستان میں دن کے وقت درجہ حرارت میں اضافے کا امکان ہے۔ آج ملک میں سب سے کم درجہ حرارت استورمیں منفی 9 ڈگری سینٹی گریڈ ریکارڈ کیا گیا۔
مزید خبریں :
کراچی: راشد منہاس روڈ پر شاپنگ مال میں آگ لگ گئی
2 گھنٹے پہلے
پاکستانی وفد کا دورہ یورپ، حاصل کیا ہوا؟
12 گھنٹے پہلے
