01 مارچ ، 2012 
جیسی رائیڈر شراب نوشی پرکیوی اسکواڈ سے ڈراپ
01 مارچ ، 2012
آکلینڈ…نیوزی لینڈ کرکٹ ٹیم کے جارح مزاج بیٹسمین جیسی رائیڈر کوشراب نوشی پر ون ڈے اور ٹیسٹ اسکواڈ سے ڈراپ کر دیا گیا ۔ جنوبی افریقہ کیخلاف آکلینڈ میں ہفتے کو کھیلے جانے والے تیسرے ون ڈے میں جیسی رائیڈر 14رکنی کیوی اسکواڈ کا حصہ نہیں ہوں گے جبکہ ایک روزہ سیریز کے اختتام پر 3ٹیسٹ میچز میں بھی انہیں نہیں کھلایا جائے گا۔کرکٹ نیوزی لینڈ کے ذرائع کے مطابق جیسی رائیڈر نیپیئر میں جنوبی افریقی ٹیم کے ہاتھوں دوسرے میچ میں شکست کے بعد اپنے دوستوں کے ساتھ باہر گئے جہاں وہ شراب نوشی کرتے رہے اور دیر سے ہوٹل واپس آئے ۔ جارح مزاج بیٹسمین کے اس رویے پر کوچ جان رائٹ نے کھلاڑیوں اور انتظامیہ سے میٹنگ کی جس میں طے پایا کہ رائیڈر کو اسکواڈ سے ڈراپ کردیا جائے۔ وہ اس سے قبل بھی کئی مرتبہ شراب نوشی اور غل غباڑہ کے واقعات میں پابندی و جرمانے کی سزا کا سامنا کر چکے ہیں۔
مزید خبریں :
