09 فروری ، 2025 
جنوبی افریقا اور آسٹریلیا سے سیریز جیتنے والی ٹیم میں 4 تبدیلیاں حیران کن ہیں: سلمان بٹ
09 فروری ، 2025
قومی کرکٹ ٹیم کے سابق کپتان سلمان بٹ کا کہنا ہے کہ جب ٹیم کی سلیکشن ہوئی تو بہت سے لوگوں کو تحفظات تھے، جنوبی افریقا اور آسٹریلیا سے سیریز جیتنے والی ٹیم میں 4 تبدیلیاں حیران کن ہیں۔
جھنگ میں میڈیا سے گفتگو کرتے ہوئے سلمان بٹ کا کہنا تھا کہ جیتی ہوئی ٹیم میں 4 پلیئرز کا کم بیک ہوا ہے، جب ٹیم جنوبی افریقا اور آسٹریلیا سے جیت کر آتی ہے تو اس میں زیادہ تبدیلیاں نہیں ہوتیں۔
سلمان بٹ کا کہنا تھا کہ نیوزی لینڈ سے میچ میں اسپیشلسٹ بالرز کو مار پڑی ہے، اب اسپنرز کو زیادہ محنت کی ضرورت ہے۔
ان کا کہنا تھا کہ نیوزی لینڈ سے 50 اوورز کے میچ بہترین پارٹنر شپ سے جیتے جاسکتے ہیں، فخر زمان کے علاوہ کوئی بھی جم کر نہیں کھیل سکا، 300 رنز کے ہدف میں ایک سنچری تو ضروری ہے۔
سلمان بٹ کا کہنا تھا کہ پاکستان کرکٹ ٹیم کو چیمپئنز ٹرافی میں ہوم گراؤنڈ کا فائدہ حاصل ہے، چیمپئنز ٹرافی کے لیے جنوبی افریقا، نیوزی لینڈ، آسٹریلیا اوربھارت اچھی ٹیمیں ہیں،چیمپئنز ٹرافی جیتنے والی ٹیم کے بارے میں پیش گوئی کرنا قبل ازوقت ہے۔
مزید خبریں :
بنگلادیش کرکٹ ٹیم کا دورہ پاکستان خدشات کا شکار
20 مئی ، 2025
