17 فروری ، 2025 
کھیل
چیمپئنز ٹرافی کی افتتاحی تقریب، سول ایوی ایشن نے ائیرلائنز کو نوٹم جاری کردیا
17 فروری ، 2025
کراچی میں چیمپئنز ٹرافی کی افتتاحی تقریب کے دوران پاک فضائیہ کے طیاروں کا فلائٹ پاسٹ ہوگا، اس کے لیے سول ایوی ایشن نے ائیرلائنز کو نوٹم کے ذریعے ہدایات جاری کردی ہیں۔
سول ایوی ایشن کے مطابق 19فروری کوپاک فضائیہ کے طیارے چیمپئنز ٹرافی کی تقریب میں فلائی پاسٹ کا مظاہرہ کریں گے، اس دوران کراچی ائیرپورٹ آنے والی کمرشل پروازوں کو احتیاط کی ہدایت کردی گئی ہے۔
فلائی پاسٹ کے دوران مخصوص ائیرکوریڈور بند ہوگا جس کا نوٹم جاری کردیا گیا ہے۔
سول ایوی ایشن کے مطابق احتیاطی تدابیر کے طور پر کمرشل پروازوں کو اضافی فیول رکھنےکی بھی ہدایت کردی گئی ہے۔
سول ایوی ایشن نے ائیرلائنز کو نوٹم کے ذریعے ہدایات جاری کی ہیں۔
