پاکستان
01 مارچ ، 2012
01 مارچ ، 2012 
لاہورکی 19 سڑکوں پر جلسے جلوس پر پابندی عائد کردی گئی
01 مارچ ، 2012
لاہور … ڈی سی او لاہور احد چیمہ نے لاہور کی 19 اہم شاہراہوں پر جلسے جلوسوں، ریلیوں اور احتجاج پر پابندی عائد کردی ہے۔ ضلعی انتظامیہ کے اعلامیہ کے مطابق شاہراہ قائداعظم، فیروز پور روڈ، جیل روڈ، رنگ روڈ، جی ٹی روڈ، پیکو روڈ، ڈیوس روڈ، سرکلر روڈ، پریس کلب کے سامنے احتجاج، ریلی، جلسہ یا جلوس کے انعقاد پر پابندی عائد کردی ہے۔ اعلامیہ میں کہاگیا ہے کہ ان جگہوں پر عارضی یا مستقل ریڑھیاں اور اسٹالز بھی نہیں لگائے جاسکیں گے۔ ڈی سی او لاہور احد چیمہ کا کہنا ہے کہ ان شاہراہوں پر اسلحے کی نمائش، لاوٴڈ اسپیکر چلانے، اونچی آواز میں موسیقی کی اجازت بھی نہیں ہوگی۔
