01 مارچ ، 2025 
کمبھ میلے میں مقدس پانی میں نہانے والی خواتین کی ویڈیوز سوشل میڈیا ایپ پر فروخت ہونےکا انکشاف
01 مارچ ، 2025
بھارت میں ہندوؤں کے مذہبی تہوار مہاکمبھ میلے میں مقدس پانی میں نہانے والی خواتین کی ویڈیوز سوشل میڈیا ایپ پر فروخت ہونےکا انکشاف ہوا ہے۔
برطانوی نشریاتی ادارے کی رپورٹ کے مطابق بھارتی ریاست اترپردیش کے شہر پریاگ راج (الہ آباد) میں ہونے والے کمبھ میلے میں دریا کے پانی میں نہانے والی خواتین کی ویڈیوز سوشل میڈیا ایپ پر 2 سے 3 ہزار بھارتی روپے میں فروخت کی گئیں۔
رپورٹ کے مطابق کئی سوشل میڈیا پلیٹ فارمز پر لڑکیوں اور خواتین کے نہانے اور کپڑے بدلنےکی تصاویر اور ویڈیوز شیئرکی گئیں۔
بھارتی میڈیا کے مطابق خواتین کی ویڈیوز بیچنے کی خبریں منظر عام پر آنے کے بعد اترپردیش پولیس نے کارروائی کرتے ہوئے متعدد افراد کو گرفتار کرلیا جن پر الزام ہے کہ انہوں نے سوشل میڈیا پر کمبھ میلے میں نہانے والی خواتین کی ویڈیوز پوسٹ کیں یا شیئر کیں۔
رپورٹ کے مطابق 140 افراد کے خلاف 13 ایف آئی آر درج کی گئی ہیں۔ پولیس کا کہنا ہے کہ مزید تحقیقات کی جارہی ہیں اور خریدوفروخت کرنے والوں کو بھی پکڑا جائےگا۔
مزید خبریں :
غزہ میں جنگ بندی معاہدے کا پہلا مرحلہ مکمل ہوگیا
1 گھنٹے پہلے
مسک کے ہاں 14 ویں بچے کی پیدائش
3 گھنٹے پہلے
جاپان میں شرح پیدائش 125 سال کی کم ترین سطح پر پہنچ گئی
01 مارچ ، 2025
شہد کی مکھیوں کے حملے سے 90 سالہ بزرگ خاتون ہلاک
01 مارچ ، 2025
