07 مارچ ، 2013 
کراچی:ٹارگٹ کلنگ کا سلسلہ جاری، فائرنگ سے 5افراد ہلاک
07 مارچ ، 2013
کراچی…کراچی کے مختلف علاقوں سے پانچ افراد کی لاشیں ملی ہیں جبکہ رات سے ابتک ہلاکتوں کی تعداد سات ہوگئی ہے۔ پولیس کے مطابق بلدیہ ٹاوٴن کے علاقے میں نامعلوم افراد نے کوچ میں گھس کر فائرنگ کرکے ایک شخص کو قتل کردیا۔ مقتول کی لاش سول اسپتال منتقل کردی گئی۔ پاک کالونی کے علاقے میوہ شاہ کالونی سے دو افراد کی لاشیں ملی ہیں۔ مقتولین کو تشدد کا نشانہ بنانے کے بعد قتل کیا گیا ہے۔ مقتولین کی شناخت نہیں ہوسکی۔ اورنگی ٹاوٴن کے علاقے خیرآباد سے دو افراد کی لاشیں ملی ہیں۔ دونوں افراد کو تشدد کرنے کے بعد گولیاں مار کر قتل کیاگیا ہے ۔ پاک کالونی کے علاقے ریکسرلین کے قریب فائرنگ سے ایک شخص ہلاک ہوگیا۔ گلستان جوہر کے علاقے بھٹائی آباد میں نامعلوم افراد نے فائرنگ کرکے ایک شخص کو قتل کردیا۔ مقتول کی شناخت محرم چنڈ کے نام سے ہوئی ہے،جو پولیس اہلکار تھا۔
